Оқиғалар Атырауда полиция майорларын бұзақылық үшін жұмыстан шығарып жіберді
Дәмханада жиһазды қиратып, оның иесін соққыға жыққан полиция қызмтекерлері жұмыстан қуылды
Атырау облысының полиция департаментінің баспасөз қызметі әлеуметтік желіде тараған бейнежазбада шынымен де полиция қызметкерлері болғанын растады, деп хабарлайды "Қазақпарат" ХАА сайты.
Жағдай Құрманғазы ауданындағы Құрманғазы ауылында орын алған.аудандық полиция бөлімшесінің екі майоры жергілікті дәмханада отырып, дәмхана иесі есепшотты төлеуді өтінгеннен соң жанжал шығарған. Осылайша шенді азаматтар дәмхана иесін соққыға жығып, жиһазды қиратып, есепті төлемей кетіп қалған.
- Аталмыш фактіге қатысты полиция департаментінің қауіпсіздік қызметі қылмыстық іс қозғады. Іс Құрманғазы аудандық сотының қарауына жіберілді. Сонымен қатар, қызметтік тергеу өткізілді. Кінәлілер қатаң тәртіптік жауапқа тартылып, жұмыстан қуылды, - деп мәлімдеді Атырау облыстық полиция департаментінің баспасөз қызметі.