Оқиғалар Астанада NUR.KZ тілшісін өлтіріп кетті
NUR.KZ порталының Астана қаласындағы тілшісі Ирина Бекетованы бүгін түнде өлтіріп кеткен
Оқиғаның мән-жайын полиция тексеріп жатыр, деп жазады NUR.KZ порталы.
Ирина төрт баласын жалғыз өзі асырап келген. Оның тұңғыш ұлы мүгедек болса, екінші баласы биыл екінші сыныпқа аяқ басыпты. Ал кенже егіздері небәрі үш жаста екен. Сондай-ақ оның қарт ата-анасы да перзенттерінің қазасына қайғырып отыр.
Марқұмның құрбысының сөзіне сүйенсек, Ирина үнемі ашық-жарқын жүретін, қиын-қыстау кездерде жақындарына көмек қолын созуға даяр тұратын мейірімді адам болған. Жаңалық порталына ауысқалы достарына жақсы жұмыс таптым деп мақтанып, "Өмірінің оңала бастағанына" қуанып жүрген көрінеді.
Осыған дейін ол "Қазақстан теміржолшысы" басылымында жұмыс істеген.