АҚШ-та полиция Ку-Клус-Кланның шеруін таратып жіберді

Бұл туралы «Нью-Йорк Таймс» газеті хабарлайды. Газет ақпаратынша, шеру 50 мың тұрғыны бар Шарлотсвилл қаласында өткен. Мыңдаған шерушілер жергілікті биліктің Конфедеративті Америка Штаттары әскерінің бас қолбасшысы болған Роберт Эдвард Лидің ескерткішін алып тастау туралы шешіміне қарсы шыққан. Акцияға қатысушы ондаған адам ұйымның дәстүрлі киімі болып табылатын ақ киім мен қалпақ киіп алып, нәсілшілдік ұрандар айқайлаған. «Вашингтон пост» газетінің ақпаратынша, қарсыласушылардың бірқатары «тәуелсіз штатта тұратындарын дәлелдеу үшін» қарумен келмек болған. Шеру соңында Ку-Клус-Клан мен қарапайым адамдардан шыққан қарсыластары арасында қайшылық туындады. Айта кету керек, төбелес ұйымдастырғандарға бірнеше мәрте бұрыш газы қолданылған. Нәтижесінде 23 адам ұсталып, үш адам ауруханаға түскен.