Өскемен мен ШҚО 28 жасар ер адам суға батып кетті
Оқыс жағдай кеше кешкі уақытта Согра ауданындағы Үлбі өзенінде орын алған
Дәнекерлеуші болып жұмыс жасайтын ер адам жұмыс күні аяқталаған соң достарымен бірге суға түсуге өзенге барған. Суға түсіп жүрген ер адам суға батып кеткен, деп хабарлайды ТЖБ баспасөз қызметі.
Куәгерлер бірден құтқарушыларды шақыртқан.
- Іздеу жұмыстары кеше кешкісін басталғанымен, мәйіт 23 маусым күні тек таңға жуық табылды, - деп хабарлайды мекеменің баспасөз хатшысы Марина Лискова. - Қайғылы жағдай орын алған жер суға түсуге арналмаған: тас тайғанақ, ағыны қатты және қойнауы қауіпті. Азаматтар қауіпсіздікті қамтамасыз ету үшін тек арнайы жағажайларда суға түскені абзал. Білмейтін орында суға түсудің соңы қайғылы аяқталуы мүмкін.
Айта кетейік, шомылу маусымы басталғалы бері Өскемен қаласында екі суға бату фактісі тіркелген.
