Заңсыз алтын іздеушілер ұсталды

Прокуратура және Ұлан ауданының полиция қызметкерлері бірлесіп, табиғат заңнамасын бұзушыларды анықтау бойынша рейд жүргізген еді. - Тексеру барысында метал іздегіштер және бульдозер көмегімен құрамында алтыны бар металдарды заңсыз өндірген 9 адам ұсталды. Олардың барлығы әкімшілік жазаға тартылып, айыппұл төледі, - деп хабарлайды ШҚО прокуратурасының баспасөз қызметі. Ұлан аудандық сотының шешімімен олар ҚР ӘҚБтК-нің 463-бабы, 1-бөлігі бойынша әкімшілік жауаптылыққа тартылып мемлекет пайдасына 5 метал іздегіш, трактор-бульдозер және «Toyota Land Cruiser Prado» тәркіленді.