Оқиғалар Лондондағы теракт бойынша ұсталған алты күдікті босатылды
Британ полицейлері Лондондағы теракт бойынша ұсталған он күдіктінің алтауын босатты, төртеуі – тұтқында. Бұл жөнінде Скотланд-Ярдтың ресми сайты хабарлады
Онда «23 наурыз күні Бирмингте ұсталған 58 жастағы ер азамат, жұма күні таңғысын Манчестерде қолға іліккен 32 жасар әйел және 35 жастағы ер азаматтар – қамауда» делінген. Ұсталғандардың барлығы теракты ұйымдастырды деген күдікпен ұсталып отыр.
Естеріңізге сала кетейік, 22 наурыз күні Вестменстер көпірінде автокөліктегі террорист жиылған жұртқа соғылып, бір полиция қызметкерін мерт қылдырып, артынша өзі оққа ұшыраған еді. Оның бұл әрекетінен төрт адам о дүниеге аттанған. Терактқа жауапкершілікті ИМ (Ислам мемлекеті, ҚР тыйым салынған) алды.