Оқиғалар Жасөспірімдер балтамен үш адамды өлтірді
Ақмола облысының Бурабай ауданы Дмитриевка ауылында үш адам асқан жауыздықпен өлтірілген. Бұл іске қатысы бар деген күдікпен екі жасөаспірім ұсталды
- Оқиға түнде орын алған. 2000 және 2001 жылы туылған екі жасөспірім алкогольді ішімдік ішіп, ауыл ішін аралап жүріп, алдымен көшеде тұрған "Жигулей" автокөлігінің әйнегін сындырған. Кейін көршілерінің үйіне балта алып кіріп, 1951 және 1984 жылғы әкесі мен баласын өлтірген. Үшінші азаматтың аты-жөні анықталуда, - дейді аудан прокуроры Дархан Аманбай.
Үш кісінің қаны мойнына жүктелген күдіктілер бүгінде тұтқындалып, түсініктеме беруде. Олар әлі де естерін жимаған, тіпті, бірінің қолында қанның іздері әлі де бар.
Прокурордың айтуынша, аталмыш іске қатысты тергеу жұмыстары басталды.
