Оқиғалар Алматы әуежайының қызметкерлері жолаушының 3 мың долларын ұрлады
Алматының халықаралық әуежайының үш қызметкері жолаушының жүгінен ұрлық жағаны үшін күдіктелуде
ІІД баспасөз қызметінің ақпараты бойынша, өткен дүйсенбіде 3 ақпан күні Алматы-Ашхабад авиарейсімен ұшқан 23 жасар жолаушы полицияға келіп, оның жол сандығынан $3100 жоғалғанын хабарлайды. Сол күні жүргізілген жедел-іздестіру шараларының арқасында полиция қызметі 30-40 жас аралығында 3 ер адамды ұстайды.
Анықталғандай ер адамдар жүкті алдын ала қараушы ретінде өздерінің күндізгі ауысымдарына келеді. Қаражаттың барын көргеннен кейін әуе кемесіне барып, жол сандықтарының бірін ашып, ішінен бір будақ ақшаны алады. Ұсталған күдіктіілердің айтуынша ол ақшаны олар қалалық айырбас орталықтарында ауыстырып, жеке мақсатта пайдаланған. Яғни, бірі несиелерін төлесе, екіншісі казинодағы ойындарға жұмсаған.
Аталмыш іс бойынша сот алды тергеу амалдары жүргізілуде.
Айта кету керек, бұл Алматы әуежайында жасалған алғашқы ұрлық әрекеті емес. 2016 жылдың желтоқсан айында жаңа ұялы телефон мен «Актобе-Алматы-Киев» авиарейсінің ұшу кезінде зергерлік бұйымдар жоғалған. Тергеу барысында екі адам ұсталды.
