Жаңа жыл қарсаңында Семей тұрғыны жоғалып кетті

Соңғы рет ер азаматты Семей Орталық базар төңірегінен көрген, деп хабарлайды Устинка LIVE тілшісі.

- Ол 30 желтоқсан күні түскі 12 шамасында шығып кеткен. Жұмыс іздегендіктен барлық құжаттарын өзімен алып кеткен, - дейді жұбайы Майгүл Ахмадиева. - Мират сау болатын. Ұялы телефоны жоқ. Барлық достарына хабарластық, ешкім білмейді, тек біреуі ғана базардан көргенін айтқан. Полицияға арыз жаздық, әзірге – үн жоқ. Мират бізді ешқашан ұзақ уақыт қалдырмайтын. Күйеуімді табуға көмектесіңіздерші. Екі қызымыз қайда кеткенін қайта қайта сұрайды.

Жоғалған күні Мирақ қара құлақшын, қара түсті тері төн және көк джинсы киген. Ер азаматтың туысқандары Мират Ахмадиевты көргендердің барлығынан кез келген ақпарат бойынша төмендегі нөмірлерге хабарласуын сұрайды: 8-778-256 94-54 ( әйелі Майгуль), 8 -747-423-32-45 (қарындасы Жанар)немесе 102 нөмірі.Туысқандарының айтуынша, 41 жасар семейлік Мират Ахмадиев жұмысқа бару үшін үйден шығып кетіп, оралмаған.