Арманнан қоныс тойға дейін: жаңа үйден пәтерді қалай сатып алуға болады

Алматыда белсенді дамып келе жатқан тұрғын үй құрылысының арқасында мұндай ниетті жүзеге асыру қазақстандық отбасылардың көбіне қолжетімді болды. Сіздерді мақсатқа жақындататын бес қадамды қарастырайық.

Бюджетті айқындау

Пәтер сатып алу үшін жеткілікті соманың болуы - бірінші және басты қадам. Бірақ, егер ондай қаражат әзірге жоқ болса, қиналуға асықпаңыз. Бүгінде қолда барлық сома болмаған жағдайда да өзіңнің тұрғын үй жағдайыңды жақсартуға көптеген мүмкіндіктер бар.

Ипотека, үлестік қатысу, қайта табыстау, бөліп төлеу, мемлекеттік бағдарламалар жүз пайыз төлеуге қаражаты жеткіліксіз адамдарға да заманауи, жайлы пәтер сатып алуға мүмкіндік береді. Айтпақшы, егер пәтерді «қазаншұңқыр» деп аталатын сатыда, яғни құрылыстың бастапқы кезеңінде сатып алсақ, бағаның 30% дейін үнемдеуге болады.

Құрылыс салушыны таңдау

Құрылыс компаниясына деген сенімділік құрылыстың аяқталмай қалуының ықтимал тәуекелдерін барынша азайтады. Құрылыс салушы туралы ақпаратты мұқият зерделеңіз: компания нарықта қанша уақыт болды, қанша нысан сатылды, шарттар бұзылды ма, сатушы банктермен, жылжымайтын мүлік агенттіктерімен ынтымақтаса ма.

Өкілден рұқсат беру және жобалау-сметалық құжаттаманы, құқық белгілейтін құжаттарды, деректемелерді және басқаларды сұраудан тартынбаңыз. Егер құрылыс салушыға жасыратын ештеңе болмаса, барлық ақпарат сатып алушыға бірінші талап бойынша беріледі.

Тұрғын үй түрі

Құрылыс салушыны анықтап, оның нысандарын қараңыз. Эконом класты пәтерлер, әдетте, ең қолжетімді. Орташа баға сегментінде жайлылық(комфорт) пен бизнес сыныбы бар. Элит кластағы тұрғын үй ең қымбат болып қала береді. Алматыдағы жаңа құрылыс нысандарын іздеуге ыңғайлы болу үшін homsters.kz сайтын пайдаланыңыз . Ол өз таңдауларыңызды ескере отырып, нұсқаларды таңдауға мүмкіндік береді: тұрғын үй түрі, ауданы, бөлмелер саны.

Шарт жасасу

Бұл жерде кейбір жайттарды ажырату маңызды. Егер үй пайдалануға берілген болса, онда сатып алушы сатып алу-сату шартын алады. Құрылыс әлі жүргізіліп жатқан жағдайдағы құжат үлестік қатысу туралы шарт болып табылады, оған сәйкес құрылыс аяқталған соң құрылыс салушы үлесті сатып алушыға беруге міндеттенеді. Сатып алушы өз кезегінде үлесті төлеуге және оны қабылдауға міндетті.

Пәтерді қабылдау

Сатып алушы бірінші болып үйдің пайдалануға берілгені туралы құжат алуға тиіс. Содан кейін сатып алынған пәтерді қарап, болашақ қоныс иесі қабылдау-тапсыру актісіне қол қоюға міндетті. Егер сіз ақауларды немесе сәйкессіздіктерді анықтасаңыз, оларды екі данада жазбаша тіркеп, жою мерзімдері туралы келісу керек. Сатып алушы тұрғын үйдің меншік иесі болған сәттен бастап, ол коммуналдық қызметтерге ақы төлейді және әрлеу жұмыстарына(олар болмаған жағдайда) кірісе алады .

Сонымен, әзірге мақсатқа қол жеткізу қиын болып көрінсе де, оны қадамдарға "бөліп", жоспарды жүзеге асыруға жүйелі түрде көшкен жөн!