"Казцинк" және "Торпедо" командасы балаларға жаңа жылдық сыйлықтар сыйлады

"Торпедо" хоккей клубының ойыншылары "Казцинк" командасының бас демеушісімен бірге Ана мен бала орталығына барып, балаларға жаңажылдық сыйлықтар табыс етті, деп хабарлайды Устинка LIVE.

"Қазцинк" баспасөз қызметінің хабарлауынша, балаларды ауруханаларда хоккейшілер мен тау-кен металлургиялық компаниясының құттықтауы дәстүрге айналған.

- Біз биыл екінші жыл қатарынан келіп, денсаулық жағдайларына байланысты Жаңа жылды ауруханада атап өтуге мәжбүр болған балаларды құттықтаймыз. Жанкүйерлерге алғысымды білдіремін. Біз бірге балаларға мереке сыйлаймыз!- деді "Торпедо" командасының шабуылшысы Аркадий Шестаков.

Естеріңізге сала кетейік, 21 және 23 желтоқсанда Спорт сарайында хоккей матчтарында "Мишкопад" жұмсақ ойыншықтар жауыны өткен болатын. Ойын соңында жанкүйерлер жұмсақ ойыншықтарды мұзға лақтырды. 27 желтоқсан күні Торпедо хоккейшілері барлық жиналған ойыншықтарды Ана мен бала орталығына әкеліп, Жаңа жылмен жас пациенттерді құттықтады. Жұмсақ ойыншықтардан бөлек, 200 бала Қазцинктің тәтті сыйлықтарына ие болды.