Кселл-дың қолдауымен қазақстандық студенттер Ұлыбританияға оқуға аттанбақ

"Кселл" мен  "Taiburyl" қоғамдық бірлестігі бірге ұйысдастырған жобаны финалына өткен студенттерге осындай мүмкіндік берілді.

"Магистратура дарындылар үшін" жобасы ағымдағы жылдың наурыз айында Қызылорда, Қарағанды, Өскемен және павлодар қалаларындағы жоғары оқу орындарында бастау алған болатын. 

Жоба мақсаты – аз қамтылған отбасынан немесе асыраушысының бірінен айырылған студенттерге қолдау білдіру. Жобаға  "Радиотехника, электроника және телекоммуникациялар", "Ақпараттық жүйелер", "Есептеу техникасы мен бағдарламалық қамсыздандыру", "Автоматтандыру және басқару" мамандықтарында оқитын студенттер қатысты. 

Осылайша Өскемен қаласындағы Д. Серікбаев атындағы ШҚМТУ студенті Дархан Әшімов пен Қарағанды мемлекеттік техникалық университетінің студенті Әділхан Құсайынов финалға шықты.