"Қазмырыш" Новосібірге алғашқы пойызын аттандырды

Кәсіпорынның өнімдері Ресейдің қаласы арқылы Түркия, Италия мер Испанияға, өзге де елдерге тасымалданбақ. Жүк пойызын аттандыру салтанатына "Қазмырыш" кәсіпорнының басшылығы ғана емес. 

 "Kaz-Z Rail Logistics", "KTZE-Operator", "ҚТЖ" ҰК" өкілдері қатысты.

- Ірі темір жол желілерінен алыс жатәан кәсіпорындарға өнім мен шикізатты тасымалдау аса қиын. Екі жыл бойы "Қазмырыш" кәсіпорны тауарды контейнерге тиеп, пойыз арқылы тасымалдаудың жолдарын қарастырды. Шикізатты пойыздың жай вагондарымен апаруға келмейді. Олардың техникалық мүмкіндігі жоқ. Ал біртұтас контейнерлі пойыз арқылы жүкті уақытында әрі шикізаттың сапасын бұзбай апаруға болады. 1200 шақырымға 7 тәуліктің ішінде жетеді. Ал өзге жүк вагондары күніне 220 шақырым ғана жүреді - дейді кәсіпорынның көлік басқармасының басшысы Эльмира Қабанбаева.

Жүк тасудың жаңа жолдарын табу - кәсіпорынның басты мақсаты. Өйткені Елбасы 2030 жылға дейін жүк тасымалын 7 есеге дейін арттыруды тапсырған еді.