Өскеменде Tele2/Altel интернеті бұрынғыдан да жедел бола түседі

Мобильді интернетке деген сұраныстың жоғарылауына байланысты, компания 4G мен 5G-ді дамытуға көбірек көңіл бөліп отыр. 2024 жылдың соңында ортастатистикалық қазақстандық айына 33 Гб тұтынған. Салыстыратын болсақ, 2023 жылы бұл көрсеткіш айына 21 Гб болған еді. Тек 4G мен 5G желілері мұндай трафикті көтере алмайды.

Клиенттердің қолдану тәжірибесін жақсарту үшін жиілікті қайта бөлу рефарминг деп аталады. Бүгінгі таңда 3G - бұл ескірген технология, сондықтан оның желілері жабылып, 4G және 5G технологияларына жол береді. Дәл осы 4G мен 5G оптикалық кабельдерсіз жоғары жылдамдықта үздіксіз интернетпен қамтамасыз ете алады. 3G-ді 4G-ге ауыстыру - 5G-мен барлық жерді қамтуға дайындық. 3G-ден бас тарту 4G желісін жаңартуға және 5G желісінің жаңа станцияларын салуға баса назар аударуға мүмкіндік береді. Интернет бұрынғыдан да жылдамырақ, ал байланыс жақсырақ бола түседі.

Қазіргі заманғы смартфондар жылдамдығы мен тұрақтылығы жоғары 4G желілеріне автоматты түрде қосылады. Ал, түймелі телефондар 2G технологиясында жұмыс істейді, рефармингтің оған қатысты жоқ.

3G желісі Өскемен қаласында, Радужный тұрғын алабында, Прапорщик, Жаңа Үлбі, Степное, Ушанов, Ново-Явленка ауылдарында, Красина кентінде, Герасимовка, Меновное ауылдарында, Стрелка ықшамауданында, Ново-Ахмирово ауылында, Сол жағалау тұрғын алабында, Аблакетка кентінде, Жібек маталар комбинаты, Үлбі ықшамаудандарында, Қасым Қайсенов кентінде, Опытное поле ауылында, Өскемен аэропортында, Өскемен теміржол вокзалында, «Березовая роща» коттеджді кентінде және Комсомол аралында бұдан әрі қолжетімді болмайды.

SIM картаңызда 4G-дің жұмыс істеп тұрған-тұрмағанын *187# командасын теру арқылы тексеруге болады. SIM картаны тек Tele2/Altel байланыс салондарында ғана тегін ауыстыруға болады. Ол үшін жеке куәлігіңізді ала барыңыз. SIM карталарын ауыстырған кезде Tele2/Altel қызметкерлері телефон арқылы растау кодын атауды сұрамайды. Ол жағынан сақ болыңыз және ешкімге құпия сөздер мен кодтарды бермеңіз.