Компания жаңалықтары Өскемендіктерді IT-бизнеске үйретуде
Екі күн бойы облыс орталығының халқы ақпараттық кәсіпкерлік, технологиялық жобалардың не екенін және оны қалай жүзеге асыру қажеттігін біле алады
Astana Hub IT-стартаптар командасы өскемендіктер үшін екі күндік тегін курс ұйымдастырды.
Халықаралық технопарк өткен жылы Тұңғыш Президенттің бастамасымен іске қосылған. Содан бері Astana Hub-қа 1000 зерттеушілер мен технологиялық кәсіпкер жүгінген. Ал қазақстандықтардың жобаларына 17 млрд теңгедей инвестиция құйылды. Ал қарашада сарапшылар командасы аймақтарды аралауға шыққан.
Екі күн бойы өскемендіктер бизнес идеяларды жасау бойынша теоретикалық білім алып, IT-бизнесті жүзеге асыру жолдары мен артықшылықтары, жобаларға қалай қаржы тарту керектігі жайын біле алады.
- Біздің жас кәсіпкерлер, мамандардың жұмысының нәтижесімен халықты таныстыру үшін аудандарға келеміз. Сонымен қатар, халықты жоба дайындап, онымен белсенді жұмыс жасап, оны жүзеге асыру үшін инвестор табу үшін жұмыс істеуге ынталандыруды көздейміз, - дейді Astana Hub IT-стартаптар халықаралық технопарк бағдарламалары департаментінің менеджері Насурла Ахменов.
