Үлбі металлургиялық зауыты жұмыскерлері кәсіби мерекесін атап өтті

Ал 28 қыркүйек аталған зауыттың жұмыскерлері өздерінің кәсіби мерекелерін атап өтті. Қазіргі таңда Үлбі металлургиялық зауыты атом энергиясын өндірумен айналысатын жалғыз кәсіпорын болып отыр. Уран материалдарын өндіру мен сақтауда жарты ғасырлық тәжірибесі бар кәсіпорын биылғы жылы аз байытылған Уран Банкін ашқан болатын. Мұның өзі бұл кәсіпорынның тәжірибесіне әлемдік атом өндірісінің зор үміт артып отырғанын білдіреді. Бүгінгі таңда металлургиялық зауыттың алдында екі үлкен міндет тұр. Оның бірі – жылу бөлетін бөлшектерді өндіру болса, екіншісі аса таза асыл металдарды алу үрдісін қалыптастыру. «ҮМЗ» АҚ басқарма төрағасы Анатолий Кучковский жұмыскерлерін кәсіби мерекесімен құттықтай отырып: - ҮМЗ жұмыскерлерінің басты мақсаты - осынау бірегей өндірістің тәжірибесін сақтау, - деп атап өтті. Мереке барысында кәсіпорынның алты жұмыскеріне «ҚР атом саласының құрметті қызметкері» төсбелгісі берілсе, 10 қызметкер кәсіпорынның Құрмет грамотасымен марапатталды.