Өскемен мен ШҚО Жарылыстан терезе сынған семейліктерге 120 мың теңге төленеді
Мамандар мұз жару кезінде терезелері сынған тұрғындардың жағдайын тексеріп шықты
Көктемде су тасу қаупін сейілту үшін төтенше жағдай мамандары Ертіс өзеніндегі қалың мұзды жару жұмыстарын жеделдеткен болатын. Ал жағалау жақын орналасқан көпқабатты үйлердің терезелері сынып, тұрғындардың наразылығы туған еді.
Ал Семей қаласының әкімі Ермак Салимов қалың мұзда жару үшін ауыр жарылғыштар қолданудан басқа амалдың жоқ болғанын алға тартады. Сынған терезелер қазына қаржысымен жөнделді. Алайда мамандар тексеріс жүргізе келе, оқиғаға "Востоквзрывпром" ЖШС қызметкерлері кінәлі деп тапты.
- Соңғы рет жарылған жарылғыштың техникалық есепшоты дұрыс жасалмаған. Алғашқы жаралыстар регламент бойынша жасалған. Ал соңғы жарылыстың қауіпті екендігі тапсырыс берушілерге ескертілген, - дейді ҚР Инвестициялар және даму министрлігінің Индустриялық даму және өнеркәсіптік қауіпсіздік комитетінің Шығыс Қазақстан өңірлік департаментінің бөлім басшысы Эмилиюс Дрявининкайтис.
