Өскемен мен ШҚО 
Өскемендіктер қара жұмыстан бас тартып отыр
Қаламыздың жұмыссыз тұрғындары жұмыс іздеп саңдалып жүруге дайын, бірақ ауыр жұмыс істеуге дайын емес
Фото:
nnm.me
Өткен жылы Өскемен қалалық жұмыспен қамту орталығында 8,5 мың жұмыссыз тіркелген. Олардың 6,5 мыңын жұмысқа орналастыру мүмкін болды. Ал қалған жұмыс іздеушілердің көңілінен ұсынылған мамандықтар шықпады. Жұмыс іздеушілерді қажеттілігі жоғары мамандықтар да, қайта даярлау курстарынан өту де жақпады.
- Жұмыс берушілердің сұранысына қарай біз көп жағдайда құрылыс мамандығы бойынша қайта даярауға шақырамыз. Қырнаушы мен газаэлектродәнекерлеушілерге сұраныс жоғары. Табыстары да жаман емес. Алайда өткен жылы осы мамандық бойынша қайта даярлау курстарынан өтетін топты жинақтай алмадық, - деді Өскемен қалалық жұмыспен қату және әлеуметтік бағдарламалар бөлімінің басшысы Мәулихат Құсаинова.
Мәулихат Жақсылыққызы жоғары білімді мамандарға сұраныс аз болатынын айтты. Бүгінгі жұмыссыздар қолмен емес, баспен жұмыс істегенді көбірек қалайды екен.
