ШҚО-да өрт сөндірушілер өз-өзіне қол жұмсамақ болған адамды құтқарып қалды

Кеше, 29 маусымда 101 арнасына  Башиков көшесіндегі үйде өрт шыққаны туралы қоңырау түсті, деп хабарлайды Устинка LIVE тілшісі.

- Оқиға орнына жеткен өрт сөндірушілер 1,5 шаршы метр аумақты қамтитын ағаш құрылымдар мен жеке заттарды сөндіре бастады. Барлау жұмыстарын жүргізіп жатқан кезде №7 ӨСБ қарауыл бастығы Жігер Слямов үйдің ауласында өз-өзіне қол жұмсамақ болған ер адамды көреді.  Ол 1985 жылғы үй иесі екені белгілі болды, - деп хабарлайды ШҚО ТЖД баспасөз қызметі.

Жігер Слямов өрт сөндірушілер Олжас Қапанов және Айбек Ақзаммен бірге ер адамды құтқарып, алғашқы медициналық көмек көрсеткен. Кейін ер адамды жедел жәрдем дәрігерлерінің қолына тапсырған. 

Мамандар анықтағандай өртті  үй иесі қасақана жасаған.