ШҚО-да өртке қарсы рейдтер нәтижесінде 242 адамға айыппұл салынды

ШҚО ТЖД баспасөз қызметінің мәліметінше, табиғи өрттердің алдын алу және сөндіру мақсатында облыста азаматтық қорғау, жергілікті полиция қызметі, орман ұйымдары мен жергілікті атқарушы органдар қызметкерлерінен 69 мобильді топ құрылды, деп хабарлайды Устинка LIVE тілшісі.

Мобильді топтар 419 рейд жүргізді, нәтижесінде 242 адам өрт қауіпсіздігі ережелерінің талаптарын бұзғаны үшін әкімшілік жауапкершілікке тартылды.
Космомониторингтің көмегімен ШҚО ТЖД қызметкерлері 230 термотнүктелерді анықтады, бұл жануды жою бойынша жедел шаралар қабылдауға және оттың таралуына жол бермеуге мүмкіндік берді.

Төтенше жағдайларға уақтылы ден қою мақсатында облыста 2650 адам және 65 бірлік техникасы бар 251 ерікті өртке қарсы құралым құрылды.

Алайда орман өрттерінің туындау себептерін талдау Шығыс Қазақстанда 2021 жылғы өрт қауіпті кезеңде тіркелген Табиғи жанудың 62 жағдайының 48-і құрғақ найзағай себебінен болғанын көрсетті. Отпен жойылған орман алқабы 336,16 гектарды құрады.

ШҚО ТЖД қызметкерлері табиғи өрттердің шығу қаупін азайту мақсатында тұрғындарға өрт қауіпсіздігі талаптарын сақтау қажеттігін ескертеді:

• жанып тұрған сіріңкені, темекі тұқылын лақтырмаңыз;
• қылқан жапырақты жас өскіндерде, ескі өртеңдерде және бүлінген орман учаскелерінде от жақпаңыз;шыны ыдысты өзіңізбен бірге алыңыз, өйткені күн 
• сәулесі әйнектен өтіп, құрғақ шөпті шоғырландырып, өртеп жіберуі мүмкін;
• өрт қауіпті кезеңде және өрт қаупі жоғары кезде от жағуға тыйым салынады.

Орман және дала алқаптарынан елді мекендерге оттың өтуіне жол бермеу үшін жанғыш қоқыстарды шығару және елді мекендердің аумақтарын жинау, құрғақ өсімдіктерден тазарту және минералданған жолақтарды қалпына келтіру бойынша іс-шаралар жүргізу қажет.

Табиғи өрттер туындаған жағдайда 101 және 112 нөмірлері бойынша өртке қарсы қызметке дереу хабарлау қажет.