ШҚО-ның полиция қызметкерлері бірнеше күн ішінде жеті есірткі қылмысының бетін ашты

ШҚО полиция департаменті ЖПІШ-ның бес күнінде тәртіп сақшылары жеті есірткі қылмысын анықтағанын хабарлады, деп хабарлайды Устинка LIVE тілшісі.

Оның ішінде бес факт есірткі заттарды сатумен байланысты. Тінту барысында тұрғындардың бірінен 130 грамнан астам марихуана, екіншісінен алты грамнан астам гашиш, үшіншісінен 60 грамнан астам психотроптық зат табылды. Сондай-ақ, екі адам есірткіні үйде сақтаған.

 - Заңды айналым саласында екі қылмыстық құқық бұзушылық анықталды. Сонымен қатар әкімшілік құқық бұзушылықтың жеті фактісі анықталды, - деп толықтырды департамент.