Ұлан ауданындағы амбулатория жөндеуден өтеді
Ұлан ауданының әкімі Ренат Құрмамбаев өңір халқының тұрмыс-тіршілігін жақын танып-білу мақсатында ауылдық округтерді аралауды жалғастыруда. Жақында Аблакет ауылдық округіне жұмыс сапарымен барған болатын
- Сағыр ауылында мектеп ғимаратын аралап, жеке меншік балабақша мен ауылдық дәрігерлік амбулаторияның жұмысымен таныстым, - дейді Ренат Құрмамбаев. - Биыл амбулаторияны күрделі жөндеуден өткізу жоспарлануда.Одан кейін ат басын ежелгі Ақбауыр кешеніне бұрған. Аудан әкімі биыл мұражай құрылысын бастауды жоспарлап отырғандарын айтты.
- Сондай-ақ, "Ақбауыр" шаруа қожалығында болдық, қожалықтың негізгі бағыты жылқы өсіру және қымыз өндіру болып табылады. Басшысы Сүйеніш Бердіхан шаруашылықты кеңейту жос-парларымен бөлісті, - деді аудан әкімі.Полиэтиленді құбырлар шығаратын кәсіпорынды қарап шыққан жаңа басшы аудан аумағында осындай кәсіпорын бар екені қуантатындығын да айтып қалды.
- Қазір Сағыр ауылында орталықтандырылған су құбыры жүйесінің құрылысы басталды және осы кәсіпорынның өнімі құрылыс кезінде сұранысқа ие болуы мүмкін. Сондай-ақ, Мамай батыр және Бестерек ауылдарында болдық. Жалпы, бұл округтің дамуына жақсы перс-пективалары бар, - деді Ұлан ауданының әкімі.
Тақырыптар:
Ұлан ауданының әкімі Аблакет ауылдық округіне