ШҚО-да бірегей медициналық имплантаттар өндірісі құрылды

Бұл инновациялық жоба туралы ШҚО әкімі Даниал Ахметов ОКҚ-да өткен баспасөз конференциясында айтып берді. Бұл медициналық бұйымдар травматология мен ортопедияда қолданылады, деп хабарлайды Устинка LIVE тілшісі.

- Біздің медициналық имплантаттар шығаратын тәжірибелік-өнеркәсіптік учаскеміздің елімізде баламасы жоқ, - деп атап өтті Даниал Ахметов. - Үлгілер адам ағзасының тіндерімен үйлесімділігі үшін сыналды. Қазақстандық имплантаттар сапада ғана емес, сонымен қатар бағада да ұтады. Ортопедиялық протездер шикізаттың өзіндік құнының төмендігіне байланысты шетелдік аналогтардан 70%-ға арзан. Өнімнің 65% облыс кәсіпорындарында өндірілетін болады.

Бұдан басқа, медициналық томографтарда қолданылатын аса өткізгіш сымдарды дайындауға арналған технологиялар әзірленді. Жапондық компанияның сертификатталған зертханасындағы сынақтардың нәтижелері бойынша өнімдер магниттік-резонанстық томографтарды өндіруде қолдану үшін ұсынылады.