Семейде өрт кезінде үш газ баллоны жарылып кете жаздады

Кеше 22.00 кезінде 101 арнасына Ақкөл көшесіндегі жер үйде өрт шыққандығы туралы хабар келген.

ШҚО ТЖД ақпараттары бойынша, үйдің кіре берісіндегі ағаш құрылымдары, шатыр, жиһаз, тұрмыстық техникасы өртенген. Өрт сөндірушілер үй ішінен әрқайсысы 27 литр болатын үш газ баллонын анықтап, далаға алып шықты.

- Құтқарушылар сонымен қатар үй ішінде ішімдікке мас болып жатқан үй иесінің азаматтық некедегі күйеуін алып шыққан. Оның арқасын, мойнын, денесін 1-2-дәрежелі термиялық күйік шалған. Зардап шеккен ер адам ауруханаға жеткізілді, - деп қосты мекемедегілер.