Жыл басынан бері 100-ден астам шығысқазақстандық ата-аналық құқығынан айырылған

ШҚО ПД ақпараттарына сүйенсек, қолайсыз отбасылармен жұмыс білім және денсаулық сақтау органдарымен бірлесіп жүргізіледі. Тәртіп сақшылары әсіресе ата-анасы ішімдік ішіп, есірткі қолданатын отбасыларды ерекше назарда ұстайды.

- Кәмелетке толмағандар ісі жөніндегі учаскелік инспектор мекенжайлары бойынша ай сайын тексеріс жүргізеді. Қажет болған жағдайда психологиялық, заңгерлік және әлеуметтік көмек те көрсетеді, - дейді ШҚО ПД Жергілікті полиция қызметі басқармасының басшысы Талғат Нұриев. - Тек биыл ғана ювеналды полиция қызметкерлері тарапынан 556 кәмелеттік жасқа толмаған балаға көмек көрсетілді.