«Бір-бірімізге жақсы сөз айтайық»

Шараға  Қазақстан Республикасы Ұлттық ұланы №3477 әскери бөлімі қызметкерлері мен әр ұлт өкілдері қатысты. 

- Шараның мақсаты – отандастарымызды береке-бірлікке шақыру. Татулықты дәріптеу. Өңірдегі әр ұлт өкілдерінің басын өнер ошағында біріктіріп, мерекелік шара өткізіп отырмыз, - дейді Өнер музейінің қызметкері Сыйлық Кашей.

Шара барысында Өнер музейінің экспозициялық көрме секторының меңгерушісі Есенбол Нақтыбайұлы өзінің «Ана тілің - асыл қазына» атты арнауын арнады. Халық әртістері ағайынды Абдуллиндер атындағы өнер учлищесінің мұғалімдері Мадина Катайханова мен Архат Рахимов Құрманғазының «Балбрауын» күйін күмбірлетсе, Наталья Кузнецованың жетекшілігімен беларус ұлт өкілдерінің «Гармония» вокалдық тобы мемлекеттік тілде ән шырқады. Бұдан бөлек Любовь Феофанова әдемі лирикалық ән әуелетсе, музей қызметкері Гүлнар Перкова шараны «Саржайлау» әнімен қорытындылады.