Аягөздік кандидаттардың жария пікірсайысы басталды

Тіркелген кандидаттардың жеребе арқылы анықталған бірінші тобы сөз сайысына түсті.

Олар бірінші кезеңде нақты елді мекеннің мәселесін шешу бойынша өз көзқарастарын білдірді. Ал екінші кезеңде бір-бірінің сұрақтарына жауап беріп, түрлі тақырыпта ой өрбітті.

Праймеризге қатысушылардың арасында білім саласындағы қордаланған мәселелерді шешуге, экологияны жақсартуға өз ұсынысын айтқандар болды. Сондай-ақ жол сапасын жақсартуға жаңа технологияларды пайдалану, аулаларды абаттандыру мақсатында тың тәжірибелерді ұсынды.

Айта кету керек, жария пікірсайыс 30 қыркүйекке дейін аудан бойынша 4 жерде 8 рет өтеді. Барлық кандидаттар үшін жария дебаттарға қатысу міндетті.