Мүгедектер арбасын ұрлап, мұқтаж адамға сатқан

Бородулиха аудандық полиция бөлімінің тәртіп сақшылары жергілікті емхана ғимаратының дәлізінен жоғалып кеткен 71 мыңдық мүгедектер арбасын тапты. Оның иесі үшінші топтағы мүгедек болып табылатын Бородулиха ауылының тұрғыны екен.

Полиция қызметкерлері оны жергілікті тұрғыннан сатып алғанын анықтады. Көп ұзамай ұрлық жасады деген күдікті ұсталып, мүгедектер арбасы табылды.

- Күдіктіге қатысты ҚР ҚК 188 бабы "Ұрлық" бойынша сотқа дейінгі тергеу амалдары жүргізілуде, - деп хабарлады ШҚО Полиция департаментінің баспасөз қызметі. 

Ал ұрланған затты байқаусызда сатып алған Бородулиха тұрғыны полиция назарынан тыс қалған жоқ. Бородулиха аудандық полиция бөлімінің басшылығы оған жаңа мүгедектер арбасын сыйлады.