Тұрғындарға тегін бетперде таратылды

11 тамыз күні белсенділер қоғамдық орындарда азаматтарға бетперде таратумен қатар, қауіпті індетке қатысты профилактикалық түсіндіру жұмыстарын да жүргізді. 
Сонымен қатар, жастар қала тұрғындарын тәртіп талаптары мен санитарлық ережелерді естен шығармауға шақырды.

- Коронавирус инфекциясымен сырқаттанған адамдардың саны көбейгенімен, біз үшін тұрғындардың денсаулығы маңызды. Осы орайда карантиндік сақтық шараларды күшейту мақсатында облыс тұрғындарына тегін медициналық бетперде тараттық. Аталған акция алдағы уақытта республикамыздың барлық облыстарында жүзеге асырылатын болады. Індеттің таралуын азайту үшін әрқайсымыз азаматтық жауапкершілік танытуымыз қажет. Сақтық шараларын күшейтіп, санитарлық тазалықты қатаң сақтағанда ғана нәтиже болатындығын естен шығармауымыз тиіс, - дейді «Jas Otan» ЖҚ ШҚОФ төрағасы Алмас Айтмұқаш.