Өскемендегі офтальмология бөлімшесі уақытша көшірілді

Енді қала тұрғындары Әуезов даңғылы, 26 мекенжайында орналасқан консультативті-диагностикалық орталыққа жүгінуі керек

Коронавируспен күрес мақсатында Шығыс Қазақстан облыстық аурухана базасында COVID-19 науқастары ем қабылдауға арналған 50 орындық инфекциялық стационар ашылды. Ол бойынша екі бөлімше қайта бейімделіп, ПТР-диагностика әдісі іске қосылған.

Сол үшін офтальмология бөлімшесі уақытша Әуезов даңғылы, 26 мекенжайында орналасқан консультативті-диагностикалық орталықтың бірінші қабатына көшіп кетті.

- Бізге асқынған көз ауруларымен, қосалқы көз аппараттарының зақымдануы, катаракті, суқараңғылық кезінде келуге болады. Сонымен қатар, амбулаторлық ота жасап, жедел офтальмологиялық көмек көрсетеміз, - деді ШҚО ауруханадағылар.

Орталықта күндізгі және тәуліктік стационар жұмыс істейді. Кеңес алуға және жазылуға арналған телефон: 8(7232)28-00-23.

Тақырыптар: Отделение офтальмологии в Усть-Каменогорске Коронавирус в ВКО Восточно-Казахстанская областная больница Инфекционный стационар в Усть-Каменогорске