Өскеменде енді тек рұқсат қағаздарымен жүріп-тұруға болады

Бұл туралы бүгін қалалық әкімдікте өткен брифингте Өскемен қаласының бас санитарлық дәрігері Михаил Дерябин мәлімдеді.

Жеке көлігіңізбен мереке және демалыс күндері, түнгі уақытта, сондай-ақ жұмыс күндері 22.00-ден 05.00-ге дейін жүруге тыйым салынған. Маска тағып жүру керек деген тәртіп сақталады, шара өткізу, қоғамдық орында қыдыруға тыйым салынады, азық-түліктік емес өнімдер сататын дүкендер жұмысы 19.00-ге дейін, ал азық-түлік дүкендерінің жұмыс уақыты 20.00-ге дейін қысқартылды. Көшеде тәртіпті полиция қызметкерлері қадағалайды, қоғамдық көліктер 50%-ға қысқарып, тек жұмыс күндері қатынайтын болады.

- Демалыс күндері осы рұқсат қағаздарымен қыдыруға болады. Жаңа қағаз алуға ешқайда барудың қажеті жоқ. Егер көлікте дәл қазіргі уақытта сақталмаса да, бұрын алған болсаңыз, жүре беруге болады, - деді Михаил Дерябин.