Өскемен мен ШҚО Алтай қаласында бала терезеден құлап кетті
Москит торына сүйеніп тұрған бір жарым жастағы бүлдіршін салмағына шыдамаған тор жыртылып кеткен
Оқыс оқиға 30 мамыр күні орын алды. Бала жақын жерде тұрған диван арқылы терезе алдына шығып кеткен.
ШҚО ПД баспасөз қызметі ұсынған ақпараттарға сүйенсек, бала тірі, қазір ауруханада жатыр. Ол үшінші қабаттан құлаған. Бірақ терезе астында орналасқан дүкеннің күнқағарына түскен.
- Биыл облыс бойынша орын алған бұл алғашқы жағдай. Бұндай жағдай қайталанбасы үшін кішкентай балалары бар үйлер терезе арналған блокиратор орнатып, терезеге жақын тұрған жиһазды алшақ жылжыту керек, - дейді құтқарушылар. - Ең бастысы – балаларды ересектердің қарауынсыз жалғыз қалдырмау керек.