Өскемен мен ШҚО Экстремалды көлік жүргізуді сүйетіндер өскемендіктерді шулатты
Полиция қызметкерлері ММҮ алаңынан бостандық пен карантиннің шектеу шараларының жеңілдегенінен есіріп жүрген 30 шақты дрифтерді қуып жіберді
Түн ортасында Квартал шағын ауданының тұрғындарының шырт ұйқысын көліктердің тормозы мен "ақырған" дыбысы, айғайлатып қосқан музыка бұзды. Тіпті оларды түнгі уақытта тыныштықты бұзғандарға айыппұл салынатындығы да тоқтатпады.
Жұмадан сенбіге қараған түні де 102 арнасына хабарласқандар көп болды. патрульдік көліктер үш минуттың ішінде жетті. Ал бұзақыларды тарқату үшін бір сағат уақыт кетті. Куәгерлердің айтуынша, турбо көліктердің иелері полиция қызметкерлеріне қарсылық көрсетіп, дауласқан.
- Екі ай карантин уақытында ММҮ маңында полиция бекеттері тұрды, тыныш еді барлығы, - дейді Назарбаев даңғылы, 66 мекенжайында тұратын Ольга Иванова. – Басқа уақытта байкерлер мен дрифтерлер үнемі осылай мазамызды алады. Әсіресе түнгі уақытта жиналады. Жұмыстан кейін үйлеріне келіп демалғысы келетін тұрғындарға тыныштық бермейді. Үнемі тәртіп сақшыларын шақыруға мәжбүрміз.
Жұмадан сенбіге қараған түні де 102 арнасына хабарласқандар көп болды. патрульдік көліктер үш минуттың ішінде жетті. Ал бұзақыларды тарқату үшін бір сағат уақыт кетті. Куәгерлердің айтуынша, турбо көліктердің иелері полиция қызметкерлеріне қарсылық көрсетіп, дауласқан.
- Түнгі тыныштықты бұзғандардың барлығы да жауапқа тартылды, - деп хабарлайды Өскемен қалалық Полиция басқармасының баспасөз қызметі. – Жүргізушілерге қатысты әкімшілік хаттама толтырылды. Енді олар айыппұл төлеуге мәжбүр. Ал ішімдік ішкендері қамауға алынды.
