Көлікті өртеген күдікті қолға түсті
Өскемен қаласының полиция қызметкерлері "Сергек" бейнебақылау камераларының арқасында қаскөйдің кім екенін анықтады
Көлікті қасақана өртеген ер адам оқиға орнында заттай айғақтарын – қолғап пен бес литрлік бөтелкеге құйылған бензин қалдыған.
Естеріңізге сала кетейік, 12 ақпан күні сағат 20.00-де полиция қызметіне Назарбаев даңғылында автокөлік өртеніп жатыр деген хабар түскен. Тәртіп сақшылары жанып жатқан "Toyota" маркалы көлігі 28 жастағы бойжеткенге тиесілі екенін анықтаған. Көліктің жанында тұрған "Subaru" да зақымданған.
Полиция қызметкерлері төңіректі зерттеген уақытта шүберек қолғап пен бензин құйылған бес литрлік ыдыс тапқан. Артынша "Сергек" бейнебақылау камераларының арқасында күдіктінің кім екені анықтап, қолға түсірді. Ол бұрын істі болған 33 жастағы облыс тұрғыны екен.
- Күдікті тергеу изоляторында. Осы фактіге байланысты ҚР ҚК 202-бабы бойынша сотқа дейінгі тергеу жүріп жатыр. Қаскөй 3-тен 7 АЕК-ге дейін айыппұл төлеуі мүмкін немесе осы көлемде түзету жұмыстарына тартылады не 3-тен 7 жылға дейін бас бостандығынан шектеледі немесе айырылады, - деп мәлімдеді Өскемен қалалық Полиция басқармасының баспасөз қызметі.
Следующая →