ШҚО-ның 1200-ден астам кәсіпкеріне коммуналдық қызмет бойынша мерзімді шегерді

ҚР кәсіпкерлерінің құқықтарын қорғау жөніндегі аймақтағы уәкілінің нұсқауы бойынша ШҚО Табиғи монополияларды реттеу департаментімен бірлесіп коммуналдық қызметтерді тұтынушылар мен жеткізушілер арасындағы дауларды медиативтік реттеу бойынша жұмыс тобы құрылды, деп хабарлайды Устинка LIVE тілшісі.

- Елімізде ТЖ енгізілгеннен кейін біз әлеуметтік желілерде, сондай - ақ бизнес субъектілерін шақыру арқылы белсенді ағартушылық жұмыс жүргізудеміз, - деп хабарлайды ШҚО Кәсіпкерлер палатасының баспасөз қызметі. - Оның ішінде аймақтың бизнес-қоғамдастығының өкілдері реттелетін коммуналдық қызметтер бойынша кейінге қалдыру немесе бөліп төлеу мүмкіндігі мәселесі қаралды.

Мониторинг нәтижесінде облыс бойынша 1217 бизнес субъектісіне жалпы сомасы 141,65 миллион теңгеден астам, соның ішінде 197 кәсіпкерлерді жылумен қамтамасыз ету, 1011 сумен қамтамасыз ету, 9 шағын бизнес субъектілері электр қуатымен қамтамасыз ету бойынша кейінге қалдырылғаны анықталды.