Таврия ауылындағы ескі мектепті неліктен бұзып жатыр

Үш жылдан бері мұғалімдер жаңа білім беру мекемесінде балаларға сабақ беріп келеді, ал ескісі бұзылды, деп хабарлайды Устинка LIVE тілшісі.

Бір кездері бұл білім мекемесі төрт ғимараттан тұрды, қазір тек біреуі жұмыс істейді, онда балабақша бар.

- Шамамен алты ай бұрын ескі мектеп жойыла бастады! Біресе батареяларды шығара бастады, біресе тағы бірдеңелерді таси бастады, - дейді аты-жөнін айтқысы келмеген Песчаная көшесінің тұрғыны. - Олар шатырды алып тастағанда, біз олардың қарақшылар емес, біреулер ғимаратты мақсатты түрде бұзып жатқанын түсіндік.

Әйелдің айтуынша, ауыл тұрғындарына ғимаратты бұзып жатқандар кез келген уақытта қабырғалар құлап кетуі мүмкін, бұл қауіпті деп түсіндірген. Бірақ тұрғындар тек бір ғимараттың қабырғасы жарылып тұрғанын, ал қалған екеуі сол қалпы қирамаған деп отыр.

- Оларды не үшін құрту керек? Онда неге балалар мекемелерін ұйымдастырмасқа? – деп ауыл тұрғыны сұрақтарын жаудырды. - Олар ескі мектепті қиратады, содан кейін не болады? Балалар балабақшаға қираған үйдің жанынан барады ма? Балаларымыздың қауіпсіздігіне кім кепілдік береді?

Таврия ауылының тұрғындары жергілікті әкімдікті кінәлағанына қарамастан, бұған олардың еш қатысы жоқ сияқты.

- Біз қазір бос тұрған барлық ғимараттарды сатылымға қоюымыз керек, біріншіден, олар әрекетсіз қалмауы керек, екіншіден, әлеуметтік жағынан аз қамтылған адамдар бұндай жерлерде тұрақтап алмас үшін. Сондықтан ескі мектеп ғимараты аукционда жеке тұлғаға сатылды, - деп түсіндірді Ұлан ауданы әкімдігінің қаржы бөлімінің бастығы Қаниза Бердіғожаева. - Келісімшартқа сәйкес, ғимаратты бұзып болғаннан кейін ол учаскеде қалпына келтіру жұмыстарын жүргізуі керек, және біз бұл жермен алдағы уақытта сатып алушының не істейтінін білмейміз.

Ескі мектептің жаңа иесімен байланысқа шықтық. Таврия халқы үшін жаңалық қуантарлық емес. Бір жағынан, балабақша жанында қауіпті ғимараттар болмайды, бірақ бос жатқан жерлер де әзірше игерілмейді.

- Ғимарат апатты жағдайда болатын, сондықтан оны бұзу туралы шешім қабылданды, - дейді Семей қаласының жеке кәсіпкері Архат Абдрахманов. - Мен бұл жерде ештеңе салуды жоспарламаймын. Біз бәрін толығымен қиратқаннан кейін, мүмкін жерді мемлекетке береміз.

Сонымен қатар, кәсіпкер жыл соңына дейін жерді не істеуге болатынын шешетінін айтып, керісінше мүмкіндікті жоққа шығармады. Осы уақытта Таврия ауылының тұрғындары балаларын тек мұқият қадағалап отыруы қажет, өйткені апаттық ғимараттарға әсіресе жасөспірімдер баратыны жасырын емес. Ал бұл жер олардың өміріне үлкен қауіп төндіруі мүмкін.