Өскемен мен ШҚО ШҚО-ға қасқырлар отары келе жатқаны рас па?
Әлеуметтік желі мен мессенджерлерде Ресейден Шығыс Қазақстанға қарай көп қасқыр ауып келеді деген ақпарат тарады
Шекара қызметкерлері ресми ақпарат таратып отыр деп жазылған. Оған қорқынышты суреттер мен видео қоса бекітілген.
- Бұл Риддер тас жолындағы Секисовканың маңындағы орман, - деп жазылған хабарламада. - Ата-аналарға балаларын назардан тыс қалдырмауын ескертіңіздер. Көшеде жүруді, балық аулауды шектеу қажет.
Біз ҚР ҰҚК Шекара қызметінің 2034 әскери бөліміне хабарластық. Ондағылар бұл хабарлама туралы білмейтін болып шықты.
- Бізге бұндай ақпарат түскен жоқ, - деп жауап берді кезекші маман.
Ғаламторды ақтарып көргенімізде дәл осы ақпарат Ресейде кең таралғанын байқадық. Қасқыр тек ШҚО-ға емес, Ресейдің Новотроицк қаласына да беттеп барады екен-мыс. Бірақ бұл ақпаратта қасқырлар Қазақстаннан ауып келеді делінген. Шетелдік әріптестеріміз бұл ақпараттық жалған екенін анықтады.
Следующая →
