Өскемен мен ШҚО Полицейлер Өскемен тұрғынынан марихуананың ірі партиясын тапты
Ер адам өзінің пәтерінде бір килограмнан астам есірткі жасырған
Бұл фактіні ШҚО ПД есірткі қылмысына қарсы күрес басқармасының қызметкерлері қылмыстық іс бойынша жедел-іздестіру іс-шараларын жүргізу кезінде анықтады, деп хабарлайды Устинка LIVE тілшісі.
Тінту кезінде 35 жастағы облыс орталығының тұрғынынан полицейлер есірткі затына ұқсас зат салынған пакетті тауып, тәркіледі.
- Сараптама қорытындысына сәйкес, тәркіленген зат жалпы салмағы бір келіден асатын "кептірілген марихуана" есірткі құралы болып табылады, - деп хабарлады ШҚО полиция департаментінің баспасөз қызметі.
Ер адамды құрықтады. Қазір полиция ҚР Қылмыстық кодексінің 296-бабы "Аса ірі мөлшерде есірткіні заңсыз сақтау" бойынша сотқа дейінгі тергеу жүргізуде. Күдікті үш жылдан жеті жылға дейін бас бостандығынан айырылуы мүмкін.
