Өскемен мен ШҚО Шетелдік қонақтардың келгені туралы миграциялық қызметке ғаламтор арқылы хабарлауға болады
Миграциялық қызмет мамандары Қазақстан Республикасына шетелдік азаматтардың келуіне қатысты жаңа ережелер туралы айтты
ШҚО Миграциялық полиция қызметкерлері туристік фирмалар, қонақүй басшыларымен кездесу барысында vmp.gov.kz визалық-миграциялық портал қызметін пайдалану жолдарын түсіндірді.
- Шетелдік қонақтарды күтіп алатын азаматтар енді шетелдік азаматтың келгені жайында хабарлау үшін ішкі істер органдарына келудің қажеті жоқ. Оны енді онлайн режімде жүзеге асыруға да болады, - деп мәлімдеді ШҚО Полиция департаментінің баспасөз қызметі.
Ол үшін ЭЦҚ қажет, визалық-миграциялық порталда тіркеліп, қажетті қызметіңізді алып, анықтаманы шығарып алуға болады.
Сонымен қатар, тәртіп сақшылары елге шетелдік азаматтың келгені туралы уақытылы ақпарат бермегендер әкімшілік жауапқа тартылатындығын еске салды.