Өскемен мен ШҚО Жоқ пәтерді жалға беріп жүрген
Өскеменде белгісіз ер адамның пәтерді арзан бағаға жалға беремін деген хабарламасына тоғыз адам алданып қалған
Облыстық Полиция департаменті мәлімдегендей, алаяқтың арбау сызбасы оңай әрі жиі кездеседі.
Ол пәтерді жалға беру туралы хабарламаны танымал сайттардың бірінде жарияланған. Сайтта жайлы, таза пәтер суреттері жарияланған. Тіпті, қаланың ыңғайлы ауданында орналасқан. Бірақ қолжетімді баға көрсетілген. Оған қызығушылық танытқандар алдын ала төлем жасауы керек деп шарт қойған.
- 23 жастағы айлакер тұрғын жоқ пәтерді тоғыз рет жалға берген. Осылайша барлығы 350 мың теңге шығын келтірді, - деп хабарлады мекеменің баспасөз қызметі. - Осы орайда айта кетейік, ғаламтор банкинг арқылы алаяқтық жасайтындар үлесі 15%, ал пәтер жалға беру бойынша алаяқтықпен айналысатындар барлық алаяқтық әрекеттер ішінде 12,8%-ды құрайды.