Өскемен мен ШҚО Саяжайда ер адам өртеніп кетті
Оқыс жағдай 9 желтоқсан күні таңғы уақытта Өскемендегі Насосная көшесіндегі саяжай аумағында орын алды
Өрт туралы 101 арнасына куәгерлер хабарлаған.
Өрт сөндірушілер оқиға орнына жеткен уақытта үй түгелдей жалыға оранған. Жалын тіпті шаруашылық нысанлары бар көрші аумаққа да жайыла түскен. Өрт сөндірушілер жалпы аумағы 100 шаршы метр өртті ауыздықтады. Үй ішін тексеру барысында 58 жастағы ер адамның мәйіті табылды.
- Өрт себебі анықталуда, - деп мәлімдеді Өскемен қалалық ТЖБ баспасөз қызметі.
Осы орайда айта кетейік, жыл басынан бері облыста өрт салдарынан 12 адам көз жұмған.
