Өскемен мен ШҚО Өзгенің көлігіне ұрлыққа түскен
Семей қаласының тұрғыны бөтен көлікте жатқан санитарлық құралдар, ауыстыратын дөңгелек пен өзге де құралдар қызықтырып, ұрлыққа түскен
Оқиға 6 қараша күні орын алды. Семей қаласындағы Әуезов аудандық полиция бөлімшесінің қызметкерлері ұрыны анықтап, қолға түсірді. Ол 42 жастағы қала тұрғыны болып шықты.
- Ол Титов көшесі бойында тұрған "Тойота Карина Е" маркалы көлігінің артқы терезесінен салонға кірген, - деп мәлімдейді облыстық Полиция департаментінің баспасөз қызметі.
Ол қолына іліккен шарқайрақ, тескіш, бұрағыш, үш қыстық дөңгелек, санитарлық техника материалдарын алып кеткен. Көлік иесі келген шығынды 335 мың теңгеге бағалады.
Қазір осы фактіге байланысты ҚР ҚК 188-бабы 2-бөлігі бойынша сот қа дейінгі тергеу басталды.
