Өскеменде алғашқы қар жауды

Кеше ғана облыс орталығында жаңбыр сіркіреп, қала тұрғындары үлкен шұңқырларға шағымданып жүр еді, бүгін күн суытты.

Өскемендіктер жылы киімдерін кие бастады. Себебі бүгін облыс орталығына алғашқы қар жауды.

Айтпақшы, синоптиктер бүгін Өскеменде қар жауады деген ақпарат таратқан жоқ. Дауыл туралы ескерту 17 қазанда болды. «Қазгидромет» РМК филиалының хабарлауынша, Шығыс Қазақстан облысында бұл күні қатты жауын-шашын болады, көбінесе жаңбыр, тұман, көктайғақ делінген.