Өскемен мен ШҚО Қала көшелері су астында қалды
Бүгінгі толассыз жауған жаңбырдан қала көшелерінде шалшықтар жиналып, қала халқы су кешіп жүруге мәжбүр
Көбінесе су нөсер канализациялары жұмыс істемейтін көшелерге жиналып қалып жатыр. Өскемен қалалық ТҮКШ бөлімінің баспасөз хатшысы Владимир Землянский мәселені шешу үшін қандай шара қолданылып жатқанын айтты.
Оның айтуынша, нөсер канализациялары жұмыс істеп тұр. Бірақ талдан құлаған жапырақтар құдыққа түсіп, бітеп отыр. Сол үшін судың ағуына кедергі келтіруде.
- "Өскемен Тәртіп" қызметкерлері қазір қала көшелерін аралап, бітелген құдықтарды аршып жатыр, - дейді Владимир Землянский. - Әсіресе, "Ровестник" дүкенінің алды, Мызы, Қазақстан, Ғарышкерлер көшелерінде шалшық жиналып қалды. Ол жерлердегі жұмыстар аяқталып қойды. Енді Михаэлис, Мызы, Потанин, Виноградов көшелерін тазарту жұмыстары жүріп жатыр.
Ал Мирный мен Западный көшелерінің қиылысында нөсер канализациялары жоқ. Сол сынды орындардағы су сорылып алынады.
Следующая →