Өскемен мен ШҚО Өскемендегі Арбат абаттандырылады
Мердігер ұйым өкілдері қала тұрғындарына серуендеуге арналған көшені абаттандыру жұмыстарын жақын уақытқа белгілеген
Өскемендегі Арбат жақында ғана ашылса да бір айдың ішінде қала халқы жиі баратын сүйікті орынға айналып үлгерді.
- Әзірге бір қабат асфальт төседік, жақында екінші қабатын төсейміз, - дейді "Level S-8" ЖШС басшысы Бақыт Ракишев. - Тағы да Еуропадан тапсырыспен алдырған құрылымды құру жоспарлануда. Бір-екі күнде жұмыстар толық аяқталып қалады.
Одан өзге, Бейбітшілік көшесіндегі 54-ші үйдің де мәселесі шешілмек. Бұл үйдің кіре беріс есігі іргетастан төмен болып қалған еді. Тұрғындар жауын жауса ғимарат іші суға толады деп уайымдайды.
- Біз төсеніштің деңгейін биіктеттік, енді су жасыл аумаққа ағады, - дейді Бақыт Ракишев. - Сонымен қатар, үш кіре беріске күнқағар орнатамыз.
