Өскемен мен ШҚО Өскеменде әйел адам балабақшаны тонап кетті
Жұмыссыз Өскемен қаласының тұрғыны Назарбаев даңғылында орналасқан балабақшадан қымбат техниканы ұрлап кеткен
Балабақша директорының орынбасары айтқандай, бұл жағдай шілде-қыркүйек айлары аралығында орын алған.
Алайда мекеме қызметкерлері ұрлық жайлы полиция қызметіне қазан айының басында ғана шағымданған. Шағым жазғандар акті залынан теледидар, музыкалық орталық пен кілем жоғалғанын айтқан. Жалпы шығын 130 мың теңге.
Полиция қызметкерлері жағдайды жіті тексергеннен кейін бұл іске қатысы бар күдікті жұмыссыз әйелді тұтқындады. Ал азаматша қылмысын мойындаған.
- Аталған факті бойынша ҚР ҚК 188-бабы 2-бөлігі бойынша сотқа дейінгі тергеу басталды, - деп мәлімдеді Өскемен қалалық Полиция басқармасының баспасөз қызметі.
Ұрлық жасаған азаматшаға 3 мың АЕК көлемінде айыппұл салынуы мүмкін.