Өскемен мен ШҚО Өскеменде картингтен біріншілік өтті
Өскеменнің туған күні қарсаңында жас картингшілер жиналып өзара сынға түсті
Жылдамдыққа жаны құмар шығысқазақстандықтар әр түрлі жас ерекшеліктері бойынша жарысып, демеушілер ұсынған сыйлықтар мен қалалық әкімдік ұсынған кубокты сарапқа салды.
Ұйымдастырушылар ұсынған ақпараттарға сүйенсек, картинг бойынша өткен біріншілікке жалпы саны 17 қатысушы келген. Олардың арасында Дарья Пермитина есімді қыз бала да бар.
Жарыс қатысушыларынан өзге оларды қолдауға келгендердің де қарасы көп болды. Жиналғандар жарыс арасында сахнаға шығып, өнерлерін ортаға салды. Жарыс өте тартысты өтті. Спорттың осы түріне қызығушылығы оянғандар қатысушылар мен жаттықтырушылардың жанына келіп, ақыл-кеңес сұрап жатты.
Әділқазылар алқасы үш санат бойынша жеңімпаздарды анықтады. Осы орайда айта кетейік, механикалық беріліс қорабты техникамен қатар автоматты беріліс қорабын да басқарған болатын. Ал өскемендік оқушы Владимир Астахов сайыс жеңімпазы деп танылды. Ол картқа арналған дөңгелектер жиынтығына ие болса, қалған қатысушылар да сыйлықтан құр қалмады.
Следующая →