Өскемен мен ШҚО Өскемендегі мектептердің жанында полиция қызметкерлері кезекшілік ететін болады
Енді мектептердің маңында орналасқан жалпы 19 жаяу жүргіншілер өткелі автоинспекторлардың бақылауында болады
Айта кетейік, тәртіп сақшылары жаяу жүргіншілер жолағын күні бойы бақылап тұрмайды, тек таңғы сағат 7.20-дан 08.00-ге дейін, яғни, оқушылар мектепке кіріп біткенге дейін тұрады.
- Дәл осы таңғы уақытта көлік ағыны көп, - дейды облыстық Полиция департаментінің баспасөз қызметі. - Қазіргі уақытта көлік көп ағылатын 19 орын анықталып, кезекшілік кестесі де құрылды.
Жалпы жыл басынан бері облыста жаяу жүргіншілер өткелінде 62 баланы көлік қаққан. Олардың төртеуі көз жұмды. Өскеменде 14 бала көлік астына түскен.
Ал "кешкі уақытта балалар сабақтан шыққанан кейін бұндай қауіп болшмай ма" деген сұрақ ашық күйінде қалды. Өйткені қаладағы көп көшелерде жарықшам да жоқ екені жасырын емес.
