Өскемен мен ШҚО ШҚО-да 22 жастағы жігіт суға батып кетті
Оқиға бүгін түске таман болған
Бір топ жас жігіттер Винный ауылының маңындағы суға барып, шомылмақ болған. Куәгерлердің айтуынша, қыздар мен жігіттер ішімдік ішкен, мас болған.
Демалушылардың бірі суға түспек болып, өзенге қарғыған күйі жоқ болып кеткен.
- Ал жанындағылары суда малтай алмайтындықтан, оған көмектесе алмаған. Арқан лақтырғанымен, оған қолы жетпеген, - деп хабарлайды ШҚО ТЖД баспасөз қызметі.
Содан жиналған жігіттердің құтқарушыға хабарласқанынан басқа амалдары қалмаған.
- Жас жігіттің денесі 4 метр тереңдіктен табылды, - дейді құтқарушы Виталий Скляр.
