Өскеменнің ескі трамвайлары жөнделетін болады

ШҚО әкімі Даниал Ахметовтің сөзінше, Өскемен қаласында трамвайлардан бөлек, трамвай жолдары да жөнделеді. Алайда рельстер биыл  жаңартылмайды, деп хабарлайды Устинка LIVE тілшісі. 

- Қала тұрғындары трамвай паркінің жұмысы нашар екендігін бірнеше рет айтқан болатын. Жеке инвестор келісім бойынша үш айдан соң трамвайларды жөндеуге кіріседі. Ал келесі жылы барлық трамвай жолдары жаңартылады, − дейді Даниал Ахметов.

Айта кетейік, салонның қаптамалары, негізгі тораптары мен агрегаттары жаңартылған, бейнекамералар орнатылған ең алғашқы вагон ағымдағы жылдың сәуір айында пайдалануға берілген болатын.